កំពត ៖ ប្រភពពីប្រជាពលរដ្ឋ រស់នៅភូមិព្រែកក្រើស ឃុំព្រែកក្រើស ស្រុកកំពង់ត្រាច បានបញ្ជាក់ឲ្យដឹងថា កាស៊ីណូ សុខ គីមម៉េង បើកដំណើរការអោយក្រុមញៀនល្បែងពលរដ្ឋខ្មែរ និងជនជាតិវៀតណាមខ្លះមានប៉ាស្ព័រ ខ្លះអត់ប៉ាស្ព័រឆ្លងដែនចេញចូលមកលេងល្បែងសុីសងជល់មាន់ បៀរ អាប៉ោង និងល្បែងជាច្រើនប្រភេទទៀត ដោយសេរីយ៉ាងគគ្រឹកគគ្រេងនៅកាស៊ីណូច្រកព្រំដែនទ្វេភាគី តន់ហន់ តាមអំពើចិត្ត។មជ្ឃដ្ឋានខាងក្រៅ បានរិះគន់ទៅលេី អាជ្ញាធរនិងសមត្ថកិច្ច មូលដ្ឋានបានត្រឹម រក្សាភាពស្ងៀមស្ងាត់ មិនទាន់ឃើញចាត់កម្លាំងចុះទប់ស្កាត់និងបង្ក្រាបនៅឡើយទេ!បើទោះបីសារព័ត៌មានក្នុងស្រុកជាច្រើនអង្គភាពបានផ្សព្វផ្សាយព្រោងព្រាតនូវភាពមិនប្រក្រតីនៃកាសុីណូ សុខ គឹមម៉េង ដែលបើកអោយពលរដ្ឋខ្មែរនិងជនជាតិវៀតណាមខ្លះមាន ប៉ាស្ព័រខ្លះ អត់ប៉ាស្ព័រចេញចូលមកលេងល្បែងសុីសងយ៉ាងគគ្រឹកគគ្រេងយ៉ាងណាក៍រក្សាភាពស្ងៀមស្ងាត់ផងដែរគេសង្ស័យថា ខ្លាចបាត់បង់ផលប្រយោជន៍ទេដឹង? ទើបសមត្ថកិច្ចពាក់ព័ន្ធក្នុងខេត្តកំពត មិនចាត់វិធានការបង្ក្រាប។ប្រភពពីអ្នកញៀនល្បែងដែលធ្លាប់ចេញចូលលេងល្បែងស៊ីសងខុសច្បាប់ដែលជ្រកក្នុងកាស៊ីណូ លោក សុខ ចាយ ហៅ សុខ គីមម៉េង នៅច្រកព្រំដែនទ្វេភាគី តន់ហន់ កម្ពុជា-វៀតណាម ស្ថិតនៅក្នុងភូមិ ព្រែកក្រើស ឃុំព្រែកក្រើស ស្រុកកំពង់ត្រាច ខេត្តកំពត ខាងលើនៅតែបន្តបើកដំណើរការឱ្យក្រុមញៀនល្បែងប្រជាពលរដ្ឋខ្មែរនិងជនជាតិវៀតណាមខ្លះមានប៉ាស្ព័រខ្លះអត់ប៉ាស្ព័រឆ្លងដែនចេញចូលលេងល្បែងសុីសងយ៉ាងអនាធិបតេយ្យ ផ្ទុយពី.ស ជ. ណ .ក្រសួងស្ថាប័នពាក់ព័ន្ធក្រសួងសេដ្ឋកិច្ចនិងហិរញ្ញ ដែលមិនអនុញ្ញាតអោយពលរដ្ឋខ្មែរចូលទៅលេងល្បែងនៅក្នុង កាសុីណូ នោះឡើយ ។មហាជនរិះគន់ដាក់ការសង្ស័យថា សមត្ថកិច្ចពាក់ព័ន្ធក្នុងខេត្តប្រាកដជាមានការ ឃុបឃិតជាប្រព័ន្ធ ទើប កាស៊ីណូ លោក សុខ ចាយហៅសុខ គឹមម៉េង នៅច្រកព្រំដែនទ្វេភាគី តន់ហន់ នៅតែមានសង្ឃឹមនៅតែបន្តបើកដំណើការឲ្យពលរដ្ឋខ្មែរញៀនល្បែងនិងជនជាតិវៀតណាមខ្លះមានប៉ាស្ព័រខ្លះអត់ប៉ាស្ព័រចេញចូលលេងល្បែងសុីសង យ៉ាងសុខស្រួលបំផុត ដោយគ្មានការទប់ស្កាត់និងបង្ក្រាប ពីសំណាក់ អាជ្ញាធរមានសមត្ថកិច្ច មូលដ្ឋានឡេីយ។មជ្ឈដ្ឋានមហាជន បានលើកឡើងថា ប្រសិនមិនមានការ ឃុបឃិតគ្នាជាប្រព័ន្ធនោះទេ ម្ចាស់កាស៊ីណូ សុខ គីមម៉េង មិនដែលហ៊ានផ្គើនជាមួយច្បាប់ស្តីពី ការគ្រប់គ្រងល្បែងពាណិជ្ជកម្ម នៃព្រះរាជាណាចក្រកម្ពុជា ផ្គើនបទបញ្ជាប្រមុខថ្នាក់ដឹកនាំ នោះដែរ។ប្រជាពលរដ្ឋ រស់នៅភូមិព្រែកក្រើស ឃុំព្រែកក្រើស ស្រុកកំពង់ត្រាច ស្នើសុំដល់នាយឧត្តមសេនីយ៍ ស ថេត អគ្គស្នងការនគរបាលជាតិ .លោក ម៉ៅធន្ទិន អភិបាលខេត្តកំពត និង ម៉ៅ ចន្ទ័មធុរិទ្ធ ស្នងការខេត្តកំពត មេត្តាចាត់វិធានការក្តៅចំពោះម្ចាស់ កាស៊ីណូ សុខ គីមម៉េង ដែលបើកឲ្យពលរដ្ឋខ្មែរ និងជនជាតិវៀតណាមខ្លះមានប៉ាស្ព័រខ្លះអត់ប៉ាស្ព័រចេញចូលលេងល្បែងស៊ីសងជាច្រើនប្រភេទដែលផ្ទុយពីច្បាប់អនុញ្ញាតនោះផងទាន៕
ព័ត៌មានគួរចាប់អារម្មណ៍
សារលិខិតសម្តេចកិត្តិព្រឹទ្ធបណ្ឌិត ផ្ញើជូនជនរួមជាតិ ក្នុងឱកាសទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២១ ()
វីដែអូ